Meiri vitleysan!!

Dvergakast

2005-04-02T13:17:00.000-08:00

Jamm við erum sko furðuleg við litlu hjón. Kallinn skemmti sér svona svaðalega vel á djamminu. Hann minntist eitthvað á dvergakast hummmm hvað er nú það??
Var víst á Nasa og skellti einum dverg á öxlina og sýndi honum hvernig á að tjútta. Dvergurinn var nú hálffúll þegar hann datt af öxlinni á Braga en var fjótur að reisa sig upp aftur. Hann hélt svo bara áfram að dansa eins og ekkert hefði í skorist á meðan hálft dansgólfið var í sjokki og fékk Bragi minn hálf undarleg augnaráð....

Lífshætta

2005-03-24T13:50:00.000-08:00

Við fjölskyldan höfðum það afskaplega kósý áðan. Fórum út að borða og svo var farið í ísbúðina á Hagamel til að fá sér Brynjuís. Við mæðgurnar fórum inn að versla á meðan eiginmaðurinn beið út í bíl að tala í símann. Þegar við fórum að fara út úr ísbúðinni og ég var að opna hurðina þá beið RISA giant hvítur hundur fyrir utan. Ég opnaði og hann óð inn en stelpurnar ráku hann nú fljótt út.
Ég var bara eitthvað að brasa með barnið að reyna að koma því í bílinn og svona þegar þessi hvíti stokker kemur alveg óður og reynir að ráðast á ísinn hjá barninu.
Stelpan sem var að vinna í ísbúðinni, sem ég kannast reyndar við, stóð í dyragættinn í hláturskasti því ég var alveg óð að reyna að flýja helvítis hundinn. Hún öskraði á mig í móðursýkiskasti: "María inn í bíl með þig þetta er úlfur"!!!
Ég bara OMG henti krakkanum inn í bíl og hafði nú ekki fyrir því að festa hana því ég taldi mig vera í bráðri lífshættu þarna.
Ekki tók nú betra við: Ég var í svona 10 mín að reyna að komast inn í bílinn því hundurinn var alveg óður í mig...elti mig út um allt og ég var eins og fífl þarna á bílastæðinu. Ég þorði ekki að segja neitt eða gera neitt því ef þetta skyldi nú vera úlfur.......hehehehhehe
Jæja þetta hafðist nú allt saman á endanum og Bragi hefur aldrei skemmt sér svona vel á fimmtudagskvöldi, viðmælandi hans sem var reyndar tengdó heldur að tengdadóttirin sé gengin af göflunum- ofsótt af úlfum í Vesturbæ Reykjavíkur.
Meiri vitleysan, María

Beyonce dansar!

2005-03-15T09:43:00.000-08:00

Nú fer bekkurinn minn senn að spundrast þar sem við erum að fara í vettvangsnám í heilan mánuð. Við getum nú ekki lifað af án þess að hittast og því kom ein skvísan með þá uppástungu hvað við gætum gert til þess að halda sambandinu á meðan.
VIÐ ERUM AÐ FARA Í DANSKÓLA!!
Og engan venjulegan þar að auki, við erum sko að fara að læra að dansa eins og Britney, Beyonce og allar hinar pæjurnar. OMG sjáiði flækjufótinn í anda, sú á eftir að fíla sig hehehe. Samt sem áður ætla ég sko að halda sexy lúkkinu. Svo verður þetta notað óspart á djamminu : )
Beyonce vots át hír I komm!!!!
The sexy lady.....

2005-03-08T15:06:00.000-08:00

Erla og Lúlli - svooooo hamingjusöm!!

2005-03-08T15:05:00.000-08:00

Ég og Lúlli á góðri stund!

Lúðvík the macho man!

2005-03-08T14:39:00.000-08:00

Jammmmm betra er seint en aldrei!!
Dagurinn í dag var örugglega fyndnasti skóladagur sem ég hef upplifað. Didda var að koma frá Norge og hafði víst lofað Erlu að hún skyldi sko kaupa einn alvöru karlmann handa henni......og henni líkt þá stóð hún auðvitað við stóru orðin.
Didda mætti heim til mín með Lúlla en hann var nú hálfkraminn eitthvað þar sem eftir átti að blása kauða upp. Ég sá þó móta fyrir andlitsdráttum hans og það var nóg fyrir mig ég bilaðist úr hlátri, hann var með gular varir, svona 140 cm á hæð og með hormottu dauðans. Og það vantaði á hann typpið, issss Didda þar klikkaðirðu nú aldeilis.
Jæja þegar Lúlli var uppblásin og vel sást móta fyrir kassanum og bringuhárunum var lagt í hann. Ég þurfti auðvitað að fá mér pylsu á leiðinni og mér var hent aftur í enda þurfti Lúlli nú að sjá vel út. Eftir að ég og Lúlli höfðum fengið okkur að borða (á hans kostnað) þá mættum við í skólann.
Það tók nú óvenjulangann tíma að koma okkur inn í bygginguna sökum hláturs en það hafðist og við mættum með kallinn í sirka 60 manna fyrirlestur og afhentum Erlu Lúlla sinn. Hann var óvenju stilltur og var ekkert að rífa sig, enda fékk hann einka sæti og alles.......ummmm sexy man!!

Leynivinur hvar ertu?

2005-02-21T03:09:00.000-08:00

Nú er að hefjast leynivinavika í skólanum og þú kæri leynivinur ef þú ert að lesa þetta þá óska ég eftir hljóðkút á tölvuna mína! Þetta er nokkra mánaða gamalt drasl og ég er að fæla alla vini mína í burtu : ( Hljómar eins og hin versta sláttuvél í fullum ham.
Hummmmm ekki gaman

Barndómur

2005-02-18T15:47:00.000-08:00

Jamm ég held að mín sé alveg að missa það þessa daganna.
Um daginn hélt ég mína fyrstu tónleika, já þið lásuð rétt. Ég ásamt 4 öðrum píum gerðum það gott og tókum lagið fyrir bekkinn og swinguðum svona all svakalega að annað eins hefur nú ekki gerst fyrr held ég.
Þetta er nú ekki búið þar sem ég geri ekki annað en að sýna meistaratakta í myndmennt, jammm ég sem hélt að ég væri stöðnuð á krotstiginu og aldrei að vita nema maður fái bara 10 í myndmennt, það hefur allaveganna ekki gerst áður : ) Eða jú kannski þegar ég grenjaði mig til að fá að halda áfram í myndmennt í 9 bekk.
Og svo í dag til að toppa þetta allt þá fór ég í íþróttatíma í dag og þar var sko tekið á því, eða allaveganna full mikið fyrir minn smekk. Við fórum í stórfiskaleik og allskonar leiki og svo enduðum við á snú snú þar sem mín var að missa sig!!!!
Dísus ég var eins og 12 ára pæja: " Þú ert staur!!!" (Hvaðan kom þessi setning eiginlega??) og svo var farið þrír inn í einu og svaka gloríur, hoppað í hring og svona. Já ég var sko pæja!!
Blessó

Hamborgari og franskar

2005-02-12T06:07:00.000-08:00

Þegar ég var í 10. bekk þá var mér boðið til Dublin með mömmu og manninum hennar. Ekki skil ég nú alveg hvað þau nenntu að hafa litlu gelgjuna með en það er nú annað mál.
Við vorum búin að vera að shoppa allan daginn og vorum að drepast úr hungri. Þá segi ég þeim frá alveg snilldar hamborgarastað sem heitir Winny´s (á Hlemmi). Þetta séu nú svo sjúklegir borgarar að við yrðum að finna þennan stað. Eftir margra klukkutíma leit og ekkert bólaði á búllunni þá kveikti mín á perunni. Auðvitað var engin Winny´s í Dublin þrátt fyrir að staðurinn héti útlensku nafni múhahhahahhahaah.
Jæja við höldum áfram og vorum aðframkomin úr hungri þá segir litla frekjan:" Við förum inn á næsta stað sem við sjáum, sama hvernig hann lítur út"
Svo römbuðum við á þennan fína hamborgarastað, svakalega huggulegan og þrifalegan og farið var í það að panta.
Þar sem gelgjan var farin að segja til sín þá lét ég mömmu aka. ungfrúekkigóðaíensku panta!!
Þetta gékk nú ágætlega hjá henni framan af en þegar ég gríp inn í samtalið og segi: "Og ég ætla að fá franskar líka" Þá heyrist í gömlu:" END FRIENDS FOR HERRRRR"!!!! Með mikilli áherslu á R-ið.
Það þarf víst ekki að taka það fram að ég eignaðist ekki marga vini á hamborgarastaðnum.
LATER

Bakaríishugleiðingar

2005-02-04T07:39:00.000-08:00

Vinkona mín var að vinna í bakaríi. Þar kom til hennar að versla maður (sem var greinilega ekki eins og fólk er flest) og bað um þrjá núða meh húkkulaði (3 snúða með súkkulaði). Vinkonan hváði við og maðurinn endurók: "3 núða meh húkkulaði". Vinkonan var orðin ansi vandræðaleg að skilja ekki manninn og sagði: "ha?" einu sinni enn. "Ohhhh" sagði maðurinn hundpirraður, "é ætla að fá einn núð, einn núð, einn núð, alla meh húkkulaði!".

Gúmmístövler og nornagrímur

2005-01-30T13:17:00.000-08:00

Jammmm í gær var skellt sér á tjúttið sem er nú frásögufærandi aldrei þessu vant. Dig var að útskrifast þannig að allt liðið safnaðist saman heima hjá henni. Allir voru í góðum gír og sátu bara á rólegu tjatti þegar "nýji" kærasti einnar ákvað nú að vera kurteis og byrjaði að slá í glös til að fá athyglina. Allir voru nú hálf hissa þar sem enginn hafði áður séð þennan mann í lífinu. Hann byrjaði: "Þar sem við erum nú öll gestir hér....." Hann komst ekki lengra í bili því einhver húmoristi hrópaði: "Hver ert þú eiginlega"!!! Frekar vandræðalegt en jæja hann komst nú þokkalega frá þessu greyjið.........
Síðan fer ég ( eða öllu heldur Sandy- því nú var ölið aldeilis komið til sögunnar) að tjá mig við kokkinn hvort hann vildi nú ekki halda ræðu en hann heimtaði sjálfur ræðu fyrir alla matreiðsluna sem við vorum að njóta.
Sandy fer því á stúfana og ræðir málin við gestina en enginn var nú æstur í ræðuhöld þannig að Ræðumaðurinn sjálfur var fengin til verksins. Ekki lét hann það á sig fá og þegar hann byrjaði nú aftur að klingja í glösum og hrósa kokknum í hástert þá var mér nú allri lokið og ég hljóp inn í eldhús og öskraði úr hlátri þannig að allir hinir í stofunni áttu frekar erfitt með sig á meðan á ræðunni stóð, múhahhahhahahha.
Já þetta var nú meiri vitleysan, síðan var skundað niður til að reykja og ég fór úr fínu hælaskónum mínum til að hvíla tærnar fyrir næsta dans þegar Birna byrjar allt í einu að sýna einhverja villta kynlífstakta og sleikja þær í bak og fyrir og endaði á því að bíta í þá stóru þannig að ég var með fjólublátt tannafar á stóru tánni!!!
Þarna ákvað Sandy nú að nýta sér þetta og þóttist vera að drepast og sagðist ekki geta komist aftur í hælaskóna......hún var sko með augastað á grænum veiðivöðlum sem lágu í einu horninu í bílskúrnum.
Gellan mætti síðan upp á dansgóflið í gummístövlunum og tók villtan dans.......sexy!
Á heimleið þurfti Sandy náttúrulega að éta og skundað var á Select. Hún þóttist vera sú fyndasta og át sína pullu með nornagrímu sem var til sölu og var að míga í sig úr hlátri yfir eigin fyndni...starfsfólkið var nú ekki á sama máli og fékk hún Sandy margar aðvaranir um að halda sig á mottinni.
Jæja loksins komst hún þó heim í Cityið og ekki tók nú betra við og lá við hjónaskilnaði hér í Ljósuvíkinni. Jamm hún var víst eitthvað að rífa sig við kallinn því hann var að æsa hana upp og segja að hún væri alltaf að sofa yfir sig....hún var alveg bandbrjáluð og heimtaði heimildir og ég veit ekki hvað og hvað og það endaði með því að kallinn hafði nú vit á því að láta þessa brjáluðu píu í friði og leyfa henni að fara að sofa á sínu græna.
Móttó: þú verður ekki svikin af því að tjútta með Sandy

Rúddi Retta ríðandi á Rettublésa

2005-01-26T06:59:00.000-08:00

Fyrir nokkrum árum þá vorum við "hjónin" ásamt öðru pari á Mallorca. Ég var sú eina sem reykti í hópnum og því var talsvert gert grín að því eins og gengur og gerist og ég var kölluð Rúddi Retta ( eiginmaðurinn gaf mér þetta nafn). Ég keypti mínar rettur í sjálfsölum hér og þar um eyjuna og var alveg hæst ánægð með þetta fyrirkomulag enda talsvert ódýrara en á Íslandi.
Svo fer ég að taka eftir því að sígaretturnar mínar eru með svona brúnum blettum á. Ég pældi nú ekkert meira í því og hugsaði með mér að þetta hlyti nú að vera hitinn eða eitthvað...!!???
Ég var alltaf kvartandi yfir þessu og sífellt að versla mér nýjar rettur þar sem þetta olli mér talsverðu hugarangri og ég var farin að halda að það væru komnar lirfur í retturnar því þær hitnuðu svo mikið. Ekki þorði ég allaveganna fyrir mitt litla líf að reykja þetta.
Þau hin voru orðin frekar þreytt á mér því sífellt þurfti að finna nýja sjálfsala sem væru ekki sýktir þessari helvítis veiru og buddan fór sífellt að léttast.........
Eftir að heim var komið fylgdi þessa saga alltaf Mallorca ferðinni miklu og öllum fannst þetta mjög furðulegt, hvað var eiginlega í gangi???
Í Marsmánuði árinu á eftir var ég stödd í afmæli og var að segja þessa sögu viðstöddum þegar liðið sem var með mér fékk krampakast úr hlátri. Þau höfðu víst verið að verki ásamt eiginmanninum, eingöngu til að stríða mér. Þau höfðu semsagt brennt retturnar mínar og ég kom ansi fátæk út úr þeirri ferð.
Ástæðan var sú að þau sögðu mér þetta svona seint var sú að þau gleymdu víst bara að segja mér þetta fyrr.........jamm svona er víst liðið sem maður umgengst!!!

Friend slæmt fyrir heilsuna

2005-01-21T15:30:00.000-08:00

Þegar ég skrifaði síðasta pistil þá rifjaðist upp fyrir mér frekar neyðarlegt atvik. Það var þannig að ég og minn heittelskaði bjuggum í bláa herberginu hjá tengdó og ég var alveg kasólétt.
Eins og þeir vita sem hafa gengið með barn að þá eru vöðvarnir þarna niðri ekki alveg að virka eins og þeir eiga að gera....jæja.....
Við vorum sem sagt í bláa að glápa á Friends og ég var komin með frekar stóra bumbu og ég girti buxurnar niður um mig, hafði sængina yfir og svo héldum við áfram að glápa.
Kemur ekki atriðið þar sem Ross er á rauða bílnum sínum að reyna að bakka út úr stæðinu og ég bilaðist úr hlátri. Ég horfði samt eiginlega ekkert á atriðið því ég átti fullt í fangið með að horfa á Braga þar sem hann átti virkilega bágt úr hlátri.
Nú jæja þið getið ímyndað ykkur hvernig það endaði þegar vöðvarnir þarna niðri virka ekki og ég átti frekar bágt þegar Frú Bettý var að setja í þvottavélina daginn eftir....
Hummmmm say no more

Ljóska eða hvað??

2005-01-21T15:23:00.000-08:00

Ég og eiginmaðurinn tilvonandi vorum að horfa á video eitt sinn ( þetta var ekki í það skiptið þegar ég pissaði í mig við Friends gláp) þegar maðurinn sem kemur alltaf í byrjunina og segir: "Myndband þetta er eingöngu til einkanota á heimilum en ekki til opinberrar birtingar........bla bla". Ég var í eitthvað skrýtnu skapi og ákvað nú að reyna að vera voða fyndin og fer að "leika" ljósku.
Ég sagði alveg með mjög furðulegum tón: "Bragi, af hverju er maðurinn alltaf í sömu fötunum"????
Bragi minn reyndi nú að halda andlitinu og reyndi að útskýra þetta vel fyrir mér þar sem það er nú staðreynd að ég hef 20 spurninga kvóta á hverja videospólu.
Svo lá ég í krampa og reyndi að segja honum að ég hafi verið að djóka en núna hva.........cirka 8 árum síðar eða eitthvað heldur hann ennþá að ég sé svona einföld.
Ég skil þetta ekki hvað er málið eiginlega????
Over and out María dökkhærða

Rokkdansar!

2005-01-18T14:03:00.000-08:00

Ég og mín bestasta kynntumst um 7 ára aldurinn og höfum brallað ýmislegt misjafnt saman. Já ég var ekki há í loftinu þegar hún fór að æfa sig á mér í hinum ýmsu kúnstum t.d. rokkdönsum.
Ég man nú ekki alveg hvað við vorum gamlar þegar Lukka fór og skellti sér í Rokkdanskóla út í KRON.......ég ákvað nú bara að halda mig heima því ég vissi það að ég hafði ekkert að gera þarna enda svoddan flækjufótur.
Eitt laugardagskvöld þegar við vorum búnar að tjúnna okkur upp af nammi og hinum ýmsu sykurmiklum afurðum vorum við komnar í hálfgerðan ham og Lukka mín ákvað nú að sýna mér hvað hún hafði lært í þessum danskóla sínum.
Hún var að reyna að sveifla mér til hægri svo til vinstri og svo í miðjuna og loks átti ég að enda undir henni....(vona að þið skiljið þetta!!).
Jæja mín var nú heldur betur til í slaginn enda var ég sirka 20 kg og ekki há í loftinu, vinkonan átti því ekki í miklum vandræðum með sveiflurnar. En það sem stóð í mér var það hvernig ég átti að enda dansinn. Ég gat ómögulega endað undir henni og tekið lokasveifluna.
Plús það þá var ég á nærbuxunum og var því frekar stöm þegar ég límdist við gólfið í lokasveiflunni. Svo var ég étandi lakkrís og ég hló svo mikið að svart lakkrísslef var á gólfinu og við skemmtum okkur konunglega.
Við vorum truflaðar í miðjum dansinum því mamma lá víst og njósnaði um okkur og var þetta hin ágætasta skemmtun fyrir hana svona á laugardagskveldi........... hún kom upp um sig því hún hló svo mikið þar sem hún sá svartan blett aftan á rassinum á mér sem var eftir slefið sem ég hafði tekið með mér í sveiflunni frá gólfinu upp í loft : )
P.s Mamma er ennþá að tala um þetta og bilast úr hlátri.
Over and out mary lu

Súsí köttur

2005-01-16T13:44:00.000-08:00

Ég hef ákveðið að deila með ykkur skemmtilegri sögu af frændfólki eiginmannsins:
Þannig var að familían var á leið austur fyrir fjall í sumarbústað fyrir allmörgum árum síðan. Í för var eiginmaðurinn, eiginkonan, 2 stykki börn og einn köttur sem heitir Súsí.
Ferðin gekk svona ágætlega framan af þrátt fyrir að ansi þröngt hafi verið í bílnum......Þegar upp á heiðina er komið þá finnst líka þessi svakalega fýla, fólkið skyldi ekkert í þessu og tengdi þetta eflaust við hverina þarna í kring. Þau reyndu svona að halda þolinmæðinni en svo var lyktin orðin alveg óbærileg og allir fjölskyldumeðlimirnir komnir með hausinn útum gluggann og voru svoleiðis það sem eftir var af ferðinni.
Þegar þau svo loksins komust á leiðarenda og voru að afferma bílinn þá fundu þau ýmis sönnunargögn.......Súsí greyjið hafði verið svona rosalega bílveik að hún hafði skitið í hátalarann!!!
Over and out Mússó

Fjölskylduferð í Húsdýragarðinn

2005-01-15T15:30:00.000-08:00

Einn sunnudag í skítaveðri ákvað litla fjölskyldan að skella sér í Húsdýragarðinn, svona til þess að sýna yngsta fjölskyldumeðliminum hvernig sveitalífið er.
Við vorum sko ekki komin inn í garðinn þegar ég, ungfrú seinheppna var að taka barnið úr bílstólnum og reif svona allsvakalega buxurnar mínar. Þær voru sko alveg gapandi frá mjöðmum og niður!! OMG hvað átti ég nú til bragðs að taka þar sem ég vildi nú varla vera að skemma ferðina fyrir prinsessunni. Ég ákvað að vefja bara trefilinn minn utan um mig og redda þannig málunum. Þetta gekk nú alveg ágætlega þrátt fyrir að hann dytti niður öðru hverju- en hvað átti maður að gera!!!
Þetta hefur eflaust verið hin ágætasta skemmtun fyrir alla helgarpabbana í garðinu þar sem ég hafði nú látið það vera að fara í nærbuxur.....
P.s ég hef ákveðið að halda buxunum ómenguðum til þess að sýna gestum mínum afraksturinn þegar ég segi þeim þessa sögu því þetta eru sko engar ýkjur.

Líkamsrækt ársins

2005-01-15T15:22:00.000-08:00

Pæjan ætlaði að verðlauna sig fyrir lærdóminn í gær og fara út í sjoppu og kaupa sér pylsu, kók, magic og FULLT af nammi. Frekar ógeðslegt veður þannig að ég ákvað að hjóla bara og drífa þetta af. Ég tek það fram að ég hef ekki hreyft mig í ja....allaveganna mjög mörg ár! Jæja brekkan ógurlega sem beið mín starði á mig og ég ætlaði sko að taka hana! Þetta var þvílíkt erfitt og ég fann alveg hvað mig sveið í lærin, en ég ætlaði sko ekki að fara að reiða hjólið upp brekkuna eins og auli......Loksins komst ég þó á leiðarenda og ákvað að róa mig niður (andardráttinn) svo ég gæti nú komið pullunni niður.....Byrjar mig ekki að svima svona rosalega og ég var alveg kófsveitt og skrýtin. Ég rétt náði að biðja afgreiðslukonuna um litla kók og sígó- gat bara ekki meir, sá varla í fókus. Ég sem var orðin frekar flökurt á þessum tímapunkti ákvað nú að geyma pylsuna, rétt náði að borga og út!!!Svo sat ég fyrir utan eins og fífl, við hliðina á hjólinu að reyna að ná andanum,,,,,Kallinn benti mér á hvort þetta væri ekki ágætisviðvörun: Ég ætti víst að fara að hreyfa mig : ( Glætan að maður nennir því eitthvað- það er svo vont að svíða í vöðvana!!

Próflestur dauðans

2005-01-15T14:57:00.000-08:00

Húsmóðirin er nýsloppin úr prófum og þar sem hún býr svo vel að eiga eitt stykki kall og eitt stykki mömmusjúkan grislíng þá ákvað hún nú að þörf væri á einhverju róttæku til þess að fá frið í lærdómnum.Þar sem við búum nú í frekar nýlegu húsnæði með þessari fínu geymslu sem er tiltörulega ónýtt af okkur þá fann frúin upp á því að tilvalið væri bara að skunda niður í geymslu til að læra.Eftir mikið röfl í "eiginmanninum" setti hans loks upp borð fyrir mig og því var ekkert til fyrirstöðu í gærkvöldi en að hefja lesturinn.Kallinn var nú svo elskulegur að fara niður fyrir mig fyrst með eitt stykki stól, teppi!!, og eitthvað af drasli.Þar sem ég bý nú svo vel að eiga ofvirka vinkonu sem á snilldar glósur úr sálfræði þá var ég sem sagt með 2 stórar möppur frá henni og eina frá mér, sálfræðibókina NB 10 tonn, plastpoka með fullt af blaðadrasli og ekki mátti ég nú gleyma fartölvunni minni, skólatöskunni og hleðslutæki(sem er frá fornöld og því ansi stórt).Jæja loksins var frúin tilbúin, búin að skófla í sig súkkulaði og kóki og til í slaginn og fer niður.Ég var nú í hálfgerðu basli með þetta allt saman eins og við er að búast og mátti ekki á tæpara standa að ég bugaðist, en nei ég ætlaði sko ekki tvær ferðir takk fyrir !!!!Ég labbaði niður tröppurnar og þegar ég steig á planið fann ég fyrir þvílíkri hálku að annað eins hefur varla fundist í Grafarvogscity......fyrir utan reyndar þegar ég klessti á bíl fóstrunnar í hálkunni um daginn : ) Jæja áfram með smjörið, ég er sem sagt þarna alveg að bugast með þetta allt og stíg á planið og það er svona þvílíkt sleipt. Þar sem ég var nú ekki að höndla þennan þunga þá var ég á ansi mikilli ferð og ekki vildi betur til að en húsmóðirin lá í götunni og glósurnar útum allt!!!Ég það var eins og fótunum hafi verið kippt undan mér og ég ligg þarna eins og skata alveg að drepast í líkamanum. Ég flýtti mér nú á fætur svo enginn myndi sjá mig, alveg með grátstafinn í kverkunum og brotið stolt.Loksins komst ég þó niður í geymslu og fer að spá í þessu og verð einfaldlega að hlaupa upp til þess að segja eignmanninum tilvonandi frá atvikinu, því það var orðið grunsamlegt hvað það heyrðust mikil hlátrasköll neðan úr geymslunni.Heyrðu það liggur við að kallinn myndi andast á staðnum, hann hló svo mikið. Þegar ég var búin að sýna honum líkamleg sönnunargögn af atvikinu og loksins þegar hann gat talað þá sagði hann:" Æj já ég fann fyrir hálkunni áðan en ég gleymdi bara að vara þig við"!!!!Takk elskan!
Over and out Mary.........p.s. mér var þó ansi vel úr verki og náði helv.....prófinu : )

Kynning

2005-01-15T14:45:00.000-08:00

Ég hef ákveðið að hefja þetta blogg á kynningu á mér sem lýsir mér í hnotskurn heheh!
Ég og mín bestasta vorum svona 13 og 14 ára og vorum að labba í skólann og komum við í Breiðholtsbakaríi til að kaupa okkur nesti eins og alla aðra daga, svo þegar við vorum nýkomnar út þá hnerraði ég og grænir kekkjóttir taumar gusuðust út um nefið á mér og héngu niður á hné og sveifluðust í norðanvindinum fram og til baka. Þar sem Lukka mín er nú sérlega klýgjugjörn þá var þetta einstaklega fyndið. Vinkonan byrjaði að kúgast og svo kom gusan og hún ældi allt bakaríisplanið út. Þarna stóðum við út ældar með sjálflýsandi jóagrænar horlengjur allt í kringum okkur í 20stiga frosti. já það sem við höfum gengið í gengum saman eru merkilegir hlutir, mikið að við frusum ekki fastar í hori og ælu.
Já svona er maður víst og ég tek það fram að þetta er tekið af síðu vinkonunnar: bloggland.is/24811, endilega kíkjið á þennan vitleysing!
Marý

Komin í netheima

2005-01-15T14:33:00.000-08:00

Jæja allt getur greinilega gerst, ég er komin með heimasíðu!
Þarf aðeins að testa þetta áður en ég fer að gera einhverjar gloríur hérna....
Bíðiði róleg esskuddnar